Is ka naam kya hei?
Mein nahi jaanti,
Mujhe kuchh nahi pataa...
Fir bhi mein use roz dekhti hun...
Uth te baith te, chalte-firte, sote-jaagte
use hi dekhti jaati hun...
Kyunki!!!
Kyunki iske dard se mein aagah hun,
iske benaam aahon se meri pehchan hei,
Aur iske mazbut irade se bhi meri sanasai hei.
Iski sukhi tahniyan,
jale hue patte,
murjhai kaliyan,
udas saya,
Na jane kitni ankahi dastaan sunati hei
kitni hi gumshuda sanson ka pata batati hei.
Isne zamane ke sard o garm dekhe,
Zindegi ki dhup wo chhaon me
saansein leta raha,
Har mausam ke tanz ko
hanste hue apne aagosh me le liya,
Patjhad me apne saare patton ko
alwida kahte hue
sawan ke intezar me muskurata raha...
Ye kaun sa paudha hei?
Mein nahi jaanti,
Fir bhi mein use roz dekhti hun...
Uth te baith te, chalte-firte, sote-jaagte
use hi dekhti jaati hun...